Đah nău mât uănh bah n’gâng kan n’hanh ăp nuĭh lŏng nuih n’hâm, mông nar Trung thu răm mƀak dôl rêng lam tât ăp kon se ƀon lan ta Dak Lak. Tâm khuh n’gôr trung thu, kon se Dak Lak geh ăp nău kan ngăn ngăn nsum ti, rƀŏng mpeh ăp băl ta nkual dak bŭk.

Ta nkual ƀon têh Buôn Ma Thuột, du đêt nhih nti tiểu học hŏ rlu ƀư Tết Trung thu, rong prăk gay rvăt siƀŭt njuăl tât ăp băl mpeh Bắc. Nău rgŏ jă kơl ƀon lan dôl geh tât khuch trôk nar lơh rêng lam tât ăp nhih nti đŏng. Ăp nklâm ndơ, nău rgop bah ăp kon se ta Dak Lak bol mô têh yơn mpơl nău tâm pă, nsum ti rƀŏng tât ăp băl nkual dak bŭk. Aơ lah nău kan geh nkô̆ khlay, ntĭm nti ăp kon se  nuih n’hâm  tâm rnglăp, nău way ơm “lha uĕh nkrum lha sat” uĕh lăng bah rnoi nuĭh he.