Nar ntri (16/9), ta Hà Nội, Kruanh Uỷ ban Trung ương MTTQ Việt Nam Đỗ Văn Chiến hŏ dơn ndơ kơl bah ăp nhih pah kan, doanh nghiệp, ăp mpôl, ăp nuĭh tâm n’hanh bah dih dak kơl ƀon lan geh dak bŭk tă bah phŭt mbrô 3 lơh.

Ntơh măt Mpôl kruanh Uỷ ban Trung ương MTTQ Việt Nam, wa Đỗ Văn Chiến hŏ dơn ndơ kơl bah báo Nhân dân 500 rkeh prăk; Tập Đoàn Than Khoáng sản Việt Nam 10 rmen prăk; Mpôl cán bộ nuĭh kan Công ty Cổ phần jao ndơ tăch mpêt nkrem 1 rmen 200 rkeh prăk; Rnăk wa Trịnh Thị Mùi, Cộng hòa Liên bang Đức 200 rkeh prăk; Hiệp hội Nhih dak si tư nhân Việt Nam 500 rkeh prăk; Hiệp hội doanh nghiệp cơ khí - điện nkual ƀon têh Hồ Chí Minh 900 rkeh prăk. Nchih nkah ăp nău kan uĕh lŏng bah ăp mpôl, ăp nuĭh, wa Đỗ Văn Chiến lah rjăp, Ban rgŏ jă kơl ndơ Trung ương ton mbra njuăl ăp nklâm ndơ dja tât nuĭh dơi kơl đăp mpăn mbơh kloh rvah, leo ƀư groi nđôi nău dŏng tơm ndơ kơl di nău kan, geh nău tam.