Đah trong rƀŏng “Nuĭh ndơ geh rgop ndơ nê, nuĭh geh nar luh kan rgop nar luh kan, nuĭh geh ndơ rgop ndơ, nuĭh geh âk rgop âk, nuĭh geh đêt rgop đêt”, ôi (18/9), ta nkual ƀon têh Kon Tum, n’gor Kon Tum ƀư rơh rgŏ jă trong leo ƀư tâm rlong “Nsum ti jut jăng nhih jay nkưp nde, truh sat” đah nău ŭch tât lĕ năm 2025 mbra mô hôm geh rnăk ach o, dăch kêng ach o ân rêh tâm ăp jay nkưp nde truh sat.

Tâm ăp năm aơ, bol hŏ uănh khlay ntrôl dăng nău kan dja, yơn tă bah wăng sa- rêh jêng kon nuĭh hôm mâp âk jêr jŏt, tât aƀaơ n’gor Kon Tum hôm rlău 1.500 rnăk ân dơi ntop kơl jut jăng nhih jay truh sat, nkưp nde; tâm nê geh rlău 1.000 rnăk âk mon mhe n’hanh bơi 500 rnăk ân nkra nâp uĕh tay jay gŭ. Lah ta rơh rgŏ jă, wa Lê Ngọc Tuấn, Kruanh UBND n’gor Kon Tum an gĭt tât lĕ năm 2025 lĕ rngôch ăp rnăk tâm n’gor đăp mpăn ntŭk gŭ da dê. Ta rơh rgŏ jă trong leo tâm rlong “Nsum ti rdâk njêng nhih jay nkưp nde, ntruh sat” bah n’gor Kon Tum, ăp mpôl, ăp nuĭh lŏng nuih n’hâm hŏ kơl rlău 500 rkeh prăk n’hanh đăng ký kơl lĕ rngôch rnoh prăk rlău 3 rmen prăk.