UBND n’gor Dak Lak hŏ tâm pă rlău 155 tấn phe tă bah Chính phủ sŏk bah tơm rnă ntêm neh dak gay ntop kơl nuĭh ƀon lan rnôk khay ji ngot năm 2024. 3 nkuâl n’hanh thị xã Buôn Hồ lah ăp  ntŭk dơi tâm pă phe tâm rnôk dja.

Tâm nê, nkuâl Ea H’Leo dơn geh rlău 66 tấn, Krông Bông bơi 42 tấn, Krông Pắc bơi 8 tấn n’hanh thị xã Buôn Hồ dơn rlău 39 tấn. UBND ăp nkuâl, thị xã dơi phăt phe tâm rơh dja ôp uănh, dơn phe n’hanh tâm pă an UBND gưl xã gay kơl ngăch tât nuĭh ƀon lan rnôk khay ji ngot. Pah kan kơl phe đăp mpăn di mpeh ntil, tŏng mpeh rnoh âk, kah uĕh phe, di nuĭh n’hanh rnoh âk tĭng quy định, mô an geh nkhiăn roh tâm rnôk phăt phe. Nău phăt phe tât nuĭh ƀon lan ân ƀư lôch jêh bah năp nar 30/6/2024.