Lơ 12/4, Văn phòng Chính phủ mhe geh nau ntrŭnh mbơh nau rđau đă bah Thủ tướng Chính phủ mpeh nau rgâl nar pah kan rlu lễ nar geh nau dơi 30/4 ndrel Nar Quốc tế lao động 1/5 năm 2024. Thủ tướng Chính phủ Phạm Minh Chính tâm ban nau ân đah nau đă bah Bộ Lao động-Thương binh ndrel Xã hội mpeh nau ƀư rgâl nar pah kan tâm rnôk rlu lễ nar geh geh nau dơi 30/4 ndrel nar Quốc tế Lao động 1/5 năm 2024.

Thủ tướng Chính phủ jao ân Kruanh n’gâng kan Bộ Lao động-Thương binh ndrel Xã hội mbơh mpeh nau rgâl ndrel nar rlu lễ geh nau dơi 30/4 ndrel nar Quốc tế lao động 1/5 năm 2024 tât đah ăp ntŭk kan, rmôt kan ndrel nŭih pah kan. Đah nŭih pah kan, Bộ Lao động-Thương binh ndrel Xã hội bonh đă nŭihđŏng nŭih pah kan tâm nar rlu lễ 30/4 ndrel 1/5 kơt nau ntrŭnh đah công chức, viên chức./.