Lơ 17/7, Rmôt kan mêt uănh nkô̆ nau (rmôt hăn kan mrô 2) geh nar pah kan đah UBND n'gor Sóc Trăng mpeh "nau ƀư nau kan tĭng ăp nau ntrŭnh bah Quốc hội mpeh bôk nau kan bah neh dak mpeh nau ndâk njêng ƀon lan mhe, lvang năm 2021-2025, n'huch ach o nâp nâl lvang năm 2021-2025, hun hao văng sa, rêh jêng nkuăl rnoi mpô’ đê̆ ndrel gôl yôk lvang năm 2021-2030”. Kơp tât dŭt năm e, n'gor Sóc Trăng hŏ geh 64/80 xã geh tŏng nau dơi ƀon lan mhe, 16 xã geh tŏng dơi ƀon lan mhe n'hao prêh, geh 3 ntŭk kan gưl nkual geh dơi nau kan ndâk njêng ƀon lan mhe.

Nau geh du hê bôk nŭih tâm nkual ƀon lan hao 43,4 rkeh prăk/nŭih (1,1 tŏ rđil đah năm 2020). Ntoh nau tâm nar mêt uănh, rmôt kan rnê prêh nau tă geh ƀư ăp nau kan bah neh dak ma n'gor Sóc Trăng hŏ nsôih ndrel geh dơi. Nkre đă Sóc Trăng lŏ ƀư jêh nau mbơh, djă’ ăp nau đă bah rmôt kan, đah ăp nau rgop mô geh ân rgop nau mbơh gay ma ntop tâm nau mbơh ndrel njoăl rmôt kan mêt uănh. Tâm nê, nchih moh săk ăp nkô̆ hôm jêr, nkol, ăp nau đă ngăn đah Chính phủ, ăp n'gâng kan Trung ương mpeh bôk nau kan, ăp nau kan jê̆ êng êng./.