Tâm nau kan mrô 1, nau kan mrô 3 Bôk nau kan neh dak hun hao văng sa, rêh jêng nkuăl rnoi mpôl đê̆ ndrel gôl yôk rơh 1 ntơm năm 2021-2025, yơn lah, tât rnôk aơ nau kơl an phe sa ân ăp rnăk râng nau kan tăm bri ndrel hun hao bri tơm si tâm n’gor Kon Tum ê dơi geh ƀư. Aơ lah nau kan geh ntoh măt HĐND n’gor Kon Tum gưl XII uănh khlay, ôp nau tâm rơh rƀŭn tal 7 dôl geh ƀư tâm nkuăl ƀon têh Kon Tum.

Geh tât nau kol mhe nkah, dơi gĭt, n’gor Kon Tum hŏ geh âk nau ntrŭnh mbơh bah ăp ntŭk kan, n’gâng kan Trung ương đă mbơh ntĭm gay ma doh rklaih. Yơn lah, tât rnôk aơ ăp n’gâng kan, ntŭk kan Trung ương ê geh nau ntĭm ngăn ri ma n’gor ê geh ƀư nau kơl an phe ân ăp rnăk râng tăm bri ndrel hun hao bri tơm si. Âk nau rgop đă bah ăp ntoh măt HĐND n’gor Kon Tum ân lah, nau ntrŭnh, nau kơl an geh mbrơi lăp tâm nau rêh, ƀư jêng nau khuch tât nkô̆ nau hun hao văng sa, rêh jêng kŏ kơt lah rgâl nau rêh bah ƀon lan./.