Ta rơh tât khâl wa Trương Thị Mai lĕ rnê âk nău kan n’hanh nău nsrôih rlet rlău nău jêr bâh ntŭk kan cán bộ, nuĭh kan, nuĭh pah kan ta kual công nghiệp Phú Hội tâm nău pah kan jan sa, nkret ƀư ndơ tuch tăm.

Ntop ndơ̆ rnoh hun hao n’gâng kan tuch tăm bâh n’gor lah êng, lam dak lah nsum geh dŭt âk tâm 10 năm ba năp. Ntil ndơ biăp, lay, bum bâh Lâm Đồng aƀaơ lĕ geh tăch an âk dak ta lam ntur neh. Nkre lah, wa Trương Thị Mai lĕ đă ăp nkual công nghiệp, n’gâng kan ta ntŭk n’gor Lâm Đồng geh mât kơl, mât chăm nău rêh an nuĭh pah kan ta ăp nkual công nghiệp, ngăn lah ngăch ndăn ƀư lôch ăp nău nchrăp kan ƀư ngih jay gŭ an nuĭh kan. Ta rơh aơ, wa Trương Thị Mai lĕ pă ndơ tết an nkual công nghiệp Phú Hội, pă an 200 nklâm ndơ an nuĭh kan, nuĭh pah kan bâh nkual công nghiệp, ăp nklâm ndơ geh rnoh khlăy 1,3 rkeh prăk.