Rnôk aơ nau nchrăp Luật dôl geh mbơh dăn nau rgop bah ntoh măt Quốc hội 2 nau kan, trong kan 1: Ntrŭnh nau mô ân ƀĭt ndeh hăn trong ma tâm mham mô lah tâm n’hâm geh ndrănh ƀier (ndơn tĭng nau ntrŭnh tâm Luật njrăng, rdâng nau khuch bah ndrănh, Ƀiêr năm 2019 ƀư nchâp đah ăp bôk ndeh rnôk hăn trong). Nau kan 2: Ntrŭnh kơt Luật hăn trong năm 2008 lah mô ân: Ƀĭt ndeh moto, ndeh hon đa ma tâm mham geh ndrănh rlau 50 miligam/100 mililít mham mô lah 0,25 miligam/1 lít n’hâm sŏ”. Nkre lah, ân geh rgâl nau ntrŭnh geh tât Luật njrăng, rdâng nau khuch bah ndrănh, ƀiêr.

Âk nau rgop tâm ban ma nau kan mrô 1, ntrŭnh nau mô ân ƀĭt ndeh hăn trong ma tâm mham mô lah tâm n’hâm geh ndrănh, ƀiêr, Kruanh Ban nau kan ntoh măt Nguyễn Thị Thanh ntoh nau:

 ‘Rơh ƀư nau ntrŭnh mô ân hŏ hăn lăp ngăn tâm nau rêh ndrel geh âk mpưm ƀon lan kơt tĭng ƀư ndrel dôl ăp nhoat njêng nau ơm “Hŏ ngêt ndrăng ƀiêr mô dơi ƀĭt ndeh”, nkre ƀư huch âk nau tâm tom ndeh yor ndrănh, ƀiêr ƀư. Tâm năm 2023, jêh rnôk n’gâng kan n’hao nau rklaih đah nŭih ƀĭt ndeh tih geh ngêt ndrănh ƀiêr ri rnoh tâm tom ndeh hŏ huch tât 25% rnoh tpŭ, 50% rnoh nŭih khĭt, 22% rnoh nŭih rmanh. Êp nê, ăp nhoat ƀư huch nau khuch ngăn bah ndrănh, ƀiêr đah nklăp 30 nau ji jâk ndrel geh khuch tât rlau 100 nau ji êng êng”.

 Kruanh Uỷ ban Pháp luật bah Quốc hội Hoàng Thanh Tùng kŏ tâm ban nau kan mô ân ngêt ndrănh ƀiêr đah nŭih ƀĭt ndeh. Yơn lah, ân ƀư kloh tay ăp nau nchră mpeh nau ntrŭnh aơ ndrel mbơh nau ân geh dơi ngăn mpeh nau “nồng độ cồn nội sinh”:

 ‘Ƀư kloh tay ăp nau dơi khoa học mpeh nau ntrŭnh aơ. Aơ lah ngoai tâm âk nau kan ma âk nau rgop hôm geh nau rvê ân geh ƀư kloh. Tâm nau dơi khoa học ri geh du nau kan geh tât ‘nồng độ cồn nội sinh” tâm ăp mạng xã hội kŏ mbơh âk nau aơ đŏng. Ân geh nau mbơh bonh, ân ƀư nau dơi ân kan nơm ndâk ƀư gay ma kơl an nau kan tĭng trong ƀư kơt rôk aơ. Yor hŏ njêng jêng du nau mơng ueh, n’huch dơi nau khuch hô ƀư khuch yor dŏg ndrănh, ƀiêr ƀư jêng tâm tom ndeh”.

Tâm nchră Luật trong jâng, Kruanh Uỷ ban tơm prăk, Ngân sách Lê Quang Mạnh mbơh, rơh rlau aơ nau kan tâm rgop ăp tơm prăk Trung ương ndrel nkuăl gay ndâk ƀư ăp trong hăn tâm ăp n’gor. Nau geh ngăn tă bah nau ntoh luh bahăp năm rlau aơ, ăp nkuăl geh sŏk tơm prăk âk ir, geh nau dơi ueh. Yơn lah, mpeh nau jŏ jong, tơm prăk bah Trung ương mât nau dơi tơm. Ndri ma, mô dơi yor nau nê ma rgâl nau kan tâm Luật Ngân sách ngih dak:

 “Tâm du rơh tât ri păng mra dơi jêng du năm kan, 2 năm kan gay ma rgum lôch n’hâm soan bah neh dak lăp gay ƀư jêh ntrong kan quốc lộ ndrel trong cao tốc. Yơn nơm mô dơi ƀư mro trong quốc lộ ndrel cao tốc. Yor nê lah nau rgâl mhe bah Đại họi mbơh luh ân năm kan aơ, năm kan ba kơi. Gâp mĭn lah geh tât du rnôk nklăp 5-10 năm ba kơi, nau dơi bah tơm prăk Trung ương, nau dơi ƀư nau kan bah ăp ban tâm N’gâng kan gung trong, nau dơi mât kŏ kơt lah đăp mpăn dơi Trung ương mât kơl dơi nau kan nkra trong”.

Tĭng nê, Groi Kruanh Quốc hội nguyễn Đức Hải lah, nau kan khlay lah ân ƀư nau rgum mpeh hun hao gung trong hăn neh dak gay tâm rnôk geh năm mô lah jong năm ntop pă tơm prăk gay ma nsôih ƀư jêh tĭng nau dơi kơl an lor ăp trong cao tốc trong tơm gay ma nthoi ăp nkuăl. Ndri ma, tơm prăk neh dak ân geh rgum mât đăp mpăn nau dơi, đăp mpăn, njêng nau nsôih hun hao:

 ‘Nơm ân geh rgum tu tơm âk lơn. Yor rnôk aơ tâm quốc lộ 1 rlet trong hăn Cà Mau mô lah ăp trong hăn Hà Giang. Trong kơt nê mô dơi moh lah quốc lộ cao tốc ơm. Tĭng gâp mĭn ân geh rgum tâm ban nau mât neh dak ndrel mât nau kan bah tơm prăk neh dak ân geh rgum ăp ntu tơm nau kan jŏ jong gay ntuh kơl nkra trong ân tâm di ma nau dơi đăp mpăn ndrel nthoi dơi. Rnôk aơ, ăp nau tâm ban tơm prăk ê geh nau dơi âk. Hôm âk ngăn n’gor. Ăp n’gor aơ mra dơi dŏng tơm prăk gay râng ndrel ma neh dak gay ma ntrơn lơi ntŭk ntu mô lah ntuh kơl gay ma ntrŭt dăng ăp nau kan”./.