Tơm nŭih kan bah Uỷ ban Văng sa Vũ Hồng Thanh ân lah, nau kan nchâp đă rvăt bah ntrong kan tăch rgâl neh ntu hôm geh ăp nau khuch ndăn nau ntrŭnh bah pháp luật gay ƀư nau kan mô lah nau ƀư kan tăch neh tâm nthoi đah ngoai tâm ăp ding ƀư tăch rvăt, khuch tât nau kloh rah vah bah ăp ntŭk kan ndrel nau geh dơi bah ăp ding tâm nau tăch rvăt neh. Yor ngăn lah, geh nau ăp ntŭk ƀư tăch rgâl neh geh tâm nthoi yor nau ŭch geh âk ƀư mô tâm di đah ăp nau geh bah nŭih ŭch tăch, rnoh tăch.

Ăp ntoh măt đă ân nkah tay mpeh nau khlay bah nau ntrŭnh bah ăp ntil nau kan tăch rgâl ân geh tă bah trong tăch rgâl neh ntu. Tổng thư kí, Kruanh Văn phòng Quốc hội Bùi Văn Cường, đă:

‘Nkô̆ nau geh dơi ngăn gay ma ntrŭnh năl nau tăch rgâl neh đah nau kan ndâk njêng, tăch rgâl, ntrơn nau dŏng neh lah gay tăch ân dŏng, mo di lah dŏng. Yơn lah, nau gay ma năl mô di lah gay dŏng ma tăch, ntrơn nau ân dŏng ê geh nau ntrŭnh n’hêl. Ndri na jêr ngăn năl nau geh nŭih  rvăt ngih gay ma gŭ, ndơn nau tăch, dŏng neh geh tâm di lah tăch ân dŏng dơm đŏng lah mô. Ndri ma, ân geh mĭn ân rjăp lơn”.

Kruanh Rnâng kan ntoh măt Nguyễn Thị Thanh mbơh nau ngăn tâm nkuăl, nau kan bah ăp ntŭk kan tăch rgâl neh ntu mô di lah geh âk ma ngăn lah nau ƀư nau tăch rgâl rnoh nau dơi dŏng neh. Mbơh nau ngăn ân nau kan “ndranh neh” hôm geh nau rvê ngăn tâm nkuăl, wa Nguyễn Thị Thanh đă ân geh ntrŭnh nau gay ma tâm nkhah đah ăp nau kan nŭih ndranh tăch neh đah nŭih geh nau ŭch rvăt neh dŏng ngăn. Nkre lah đă ân geh nau tâm ban tâm nau kan tăch, ân dŏng, ân manh neh ntu:

‘Nau mbơh tăch rnoh neh nê lah ƀư nau kan ndâk ngih gŭ gay ma tăch rgâl. Jêh rnôk ƀư jêh nau kan ƀư ăp nau nkra ngih gŭ gay ma tăch. Rnôk nŭih geh rvăt rnoh neh nê bu lŏ mô ƀư tĭng tâm di nau ntrŭnh bah Luật tăch rgâl neh ntu, bu lŏ pă lô, tăch neh. Hên kŏ moh nau nê lah nau der luật ndrel “Bôk Ngô săk Sở”. Nê lah ngoai tâm ăp nau nkoch geh tât nau kan ân tâm ban ndrel geh đah ăp luật geh tât nau kan tăch rgâl neh ntu”.

Kruanh Quốc hội Vương Đình Huệ lah rjăp: Nau kan tăch rgâl neh ntu lah ngoai tâm ăp nau kan gay đăp mpăn ân nau hun hao bah jâng văng sa. Nau kan ntrơn rgâl Luật tăch rgâl neh lah nau khlay, yơn jêr, ŭch geh ƀư tâm dăch gay ma tŏng dơi nau ŭch, der nau jêh nkra yơn mô dơi rklaih ăp nau nkl lŏ njêng luh ăp nau nkol êng:

‘Nau têh ngăn tâm nau hun hao ntŭk ƀư nau kan tăch rgâl neh lah nau rgum ndrel nau nchrăp. Geh tât nau nchrăp dŏng neh, hun hao ăp nau kan, ntŭk kan ndâk tay ăp ntil ƀư nau kan tăch rgâl. Nau ma nơm mô tŏng ngăn nê lah nau rgum ƀư nau kan tĭng năm. Nơm ân geh rgum tĭng nkual neh. Lah ndrel du tŏ ri geh âk nau kan nau pă tăch âk rlau ma nau ŭch rvăt, âk nau tâm rkeh mpeh neh ntu mô dơi geh tăch. Nau kan ndâk ƀư ân geh ƀư đah rnoh tăch bah ntŭk kan tăch rgâl, ntil ndơ mdrel ntoh tă bah nau tơm hôm lah nau rgum, nau nchrăp ri gâp saơ geh nau ntoh mô lăng dăng ôh tâm nau kan aơ”./.