Ntoh ngơi ta rơh rƀŭn nchră tal 24 bâh Ủy ban rnâng kan Quốc hội, kruanh Quốc hội Vương Đình Huệ lah na nê̆, bôk nău kan uănh nđôi bâh Ủy ban rnâng kan Quốc hội mpeh “nău ƀư tĭng Nghị quyết mbrô 88 năm 2014 Quốc hội khóa 13 n’hanh Nghị quyết mbrô 51 năm 2017 Quốc hội khóa 14 mpeh rgâl mhe bôk nău kan, săm ƀŭt giáo khoa phổ thông” dŭt khlăy, geh cử tri n’hanh ƀon lan dŭt mât uănh. 

Kruanh Quốc hội dăn đă Ủy ban rnâng kan Quốc hội an gĭt gay ma mpôl  kan uănh mĭn, geh gĭt tay n’hanh pah kan ngăn đah n’gâng kan ntĭm nti n’hanh chính phủ ê lor ndơ̆ an rnâng kan Quốc hội uănh nđôi ta rơh rƀŭn nchră khay 8 tay.