Nău lư bah Tập đoàn Điện lực Việt Nam (EVN), Tập đoàn dja hŏ n’glêh an mbrô 377 mpeh nău rgâl rnoh khlay tăch chrai điện. Tĭng nê, ntơm bah nar 4/5/2023, rnoh khlay tăch chrai điện rĭng geh lah 1.920 rêl/kWh (mô hŏ kơp rnoh sŏk soăy kơi ntop hao tay). Rnoh rgâl dja hao 3% rđĭl đah rnoh khlay điện aƀaơ.

Bah năp nê, nar 31/3, Bộ Công thương hŏ mbơh lôch jêh hăn ôp uănh rnoh huach prăk njêng luh điện năm 2021 n’hanh 2022 bah EVN, an saơ rnoh huach prăk dŏng ƀư njêng luh điện năm 2022 lah 2.032 rêl/kWh, hao rlău 9% rđĭl đah năm bah năp nơh. Bộ Công thương hŏ geh siƀŭt ntĭm nti EVN tĭng ƀư rgâl rnoh khlay tăch chrai điện tĭng nău rđău đă bah Rnâng kan Chính phủ, gay đăp mpăn nău rgâl rnoh khlay điện mô hao ndal, geh trong tor gĭt lor, đăp mpăn chính trị n’hanh đăp mpăn lam rêh jêng kon nuĭh, tâm ban geh đah doanh nghiệp n’hanh nuĭh ƀon lan.