Rơh rƀŭn nchră lĕ tâm ban dơn ngoăy lah na nê̆, Tây Nguyên lah ntŭk kan tơm mpeh rnă njrăng- đăp mpăn, way geh âk nău tât mpeh roh nău đăp mpăn, rnă njrăng ta ntŭk lah nău dŭt khlăy bâh nău mât đăp mpăn rnă njrăng ngih dak, mât nâp rnă njrăng ntŭk kan bâh ntŭk kan gâl xã, phường mbra geh mâp nâp rnă njrăng ta lam dak.

Hun hao wăng sa, văn hóa, rêh jêng, mât đăp mpăn rnă njrăng, nchră nău đah dak bah dih lah trong kan tơm khlăy ngăn gay ma mât đăp mpăn rnă njrăng, đăp mpăn ueh lăng ta Tây Nguyên. Ntoh ngơi ntĭm đă rơh rƀŭn nchră, rnâng kan Ban bí thư Trương Thị Mai lah na nê̆, nău roh đăp mpăn, ueh lăng geh ta lơ 11/6 mhe nơh geh mô ueh tât nău rêh ƀon lan rnoi đê̆ ta Dak Lak n’hanh ăp n’gor Tây Nguyên. Nuĭh leo kan Đảng, ngih dak dŭt mât uănh leo kan, ntĭm đă hun hao wăng sa, rêh jêng, mât đăp mpăn rnă njrăng ta Tây Nguyên.