Ôi 16/11, ta Hà Nội, Bộ Lao động-Thương binh ndrel Xã hội tâm rgop nsum ma du đê̆ n’gâng kan, ntŭk kan geh tât ƀư rƀŭn nchră lôch nau ƀư nau kan tĭng ăp nau ntrŭnh bah Thủ tướng Chính phủ mpeh kon se. Tâm nar rƀŭn, N’gâng kan mbơh mpeh nau tă geh bah nau ntrŭnh, ƀư ăp nau kan geh tât nau mât chăm yor nau hun hao ăp til bah kon se tâm ăp năm bôk năp tâm rnăk vâl ndrel ƀon lan lvang năm 2018-2025.

Rơh rlau aơ, ăp n’gâng kan, ntŭk kan ndrel n’gor hŏ tâm rgop tâm kơl ân rlau 6,4 rkeh kon se đah rnoh prăk rlau 1.646 rmen. Tâm nar rƀŭn, ăp N’gâng kan, n’gor, nkual mbơh kloh ăp nau hôm jêr, ntul rlong rnôk ƀư nau mât chăm ndrel kơl an kon se, đă ntrong kan geh dơi nkô̆ nau, nau kan bah ăp nau ntrŭnh bah Thủ tướng Chính phủ, bah nê, âk ntoh măt ntoh nau rvê tât nau lơh, ndjơh khuch kon se, nhŭp kân kon se geh âk nau hao âk tâm du đê̆ nkuăl, âk nkuăl hom nkol, mô geh rklaih./.