Geh rgŏ jă bâh nar 23/11 năm e tât 21/2 năm aơ, rơh tâm rlong rup nghệ thuật “Cà phê Việt Nam- Trong kan mĭn kan mhe di sản văn hóa lam ntur neh” geh 4 bôk nău mpeh n’gâng kan cà phê Việt Nam, mpŏng tât nkô̆ mpŏng ŭch rnê cà phê Việt Nam. Aơ lah bôk nău kan tâm 18 nău pah kan tơm bâh lễ hội cà phê Buôn Ma Thuột tal 8, năm 2023.

Lôch 3 khay rgŏ jă, rnâng kan leo kan lĕ geh dơn rlău 1.100 tác phẩm râng tâm rlong bâh 170 tác giả tât bâh 30 n’gor, nkuăl ƀon têh ta lam dak njoăl tât râng. Bâh nău uănh năl lĕ geh săch 76 tác phẩm rup nghệ thuật gay ma pla n’hoe n’hanh 15 giải nkhôm rnê an ăp tác phẩm ntoh lư ngăn, geh 4 giải dŭt khlăy tâm ban đah 4 bôk nău kan, 10 giải khuyến khích n’hanh 1 giải yor khán giả săch. Tĭng nău uănh năl bâh rnâng kan leo kan, geh âk tác phẩm ueh, âk nău ueh khlăy, kơl trĕ lam nău ueh rup cà phê Việt Nam, trĕ lam rup cà phê Buôn Ma Thuột tât đah ntŭk rêh jêng ŭch rŏng n’hanh ŭch cà phê ta lam ntur neh.