Lôch 5 năm tâm rgop ƀư njrăng, rdâng n’hanh bah ir nău khuch tât bâh mih sial dak buk tâm  n’gâng kan ntĭm nti, ăp ntŭk lĕ geh ƀư âk rơh tâm rlong, rơh nti, naư pah kan bah dih, mpŏng tât n’hao nău gĭt vât n’hanh nău dơi njrăng rdâng nău tât bâh trôk nar.

Âk nău kan mbơh nău mpeh njrăng rdâng, bah ir nău khuch tât bâh trôk nar geh khlăy lĕ dơi ƀư, kơt rơh tâm rlong “Mât kơl play neh- oh kon se rklă mĭn nuĭh têh blău ntrôl bah nău tât bâh trôk nar n’hanh rgâl mih sial”, “Rklă nchih nău mhe an nău tâm pât n’hanh nău njroh mprơ way ơm mpeh njrăng rdâng mih sial”, vẽ rup đah bôk nău “Ndrel oh njrăng rdâng nău tât mih sial, njêng nău rêh let năp tay nâp nâl”, rơh nti tâm rdâng đah n’gơ neh ta ngih nti tiểu học Măng Đen, nkuăl Kon Plông, n’gor Kon Tum..Ta meng nău dơi geh, bôk nău kan tâm rgp njrăng rdâng mih sial đah n’gâng kan ntĭm nti n’hanh n’gâng kan tuch tăm mât rong n’hanh hun hao ƀon lan hôm nha geh 1 đê̆ nău mô dơi kơt lah, geh rnôk tâm rgop kan mô năn, ăp nău kan bah dih mpeh njrăng rdâng mih sial hôm nha mô tâm ban đah ăp ntŭk, nău ntĭm nti, nti an mpôl nai nti ăp ngih nti mpeh leo ƀư pah kan bah dih mpeh njrăng rdâng mih sial ê hŏ geh mât uănh, ntrôl dăng.