Kêng măng ntri (22/12), ta Hà Nội, Bộ Công an n’hanh Tổng Liên đoàn Lao động Việt Nam ƀư tâm nchră mpư rnê nuĭh công nhân, viên chức, nuĭh kan geh nău dơi ngăch prăl tâm trong leo lam ƀon lan mât rnă njrăng neh dak lvang năm 2018-2023.

Rlău 5 năm an ƀư kan nsum trong leo lam ƀon lan mât rnă njrăng neh dak đah mpôl Công an n’hanh ăp gưl Công đoàn hŏ jêng geh nău rgâl âk mpeh nău gĭt êng, nuih n’hâm dơn kan bah cán bộ, tahen, công chức, viên chức, nuĭh kan bah bar n’gâng kan. Lah n’glôch jêh tâm nchră, Thứ trưởng Bộ Công an Lê Quốc Hùng dăn đă mpôl kan Công đoàn n’hanh công nhân, viên chức, nuĭh kan lam dak ân kan nsum lhăt đah mpôl kan Công an nsrôih râng rdôl lơh mbram, rlăch ndăng nuĭh tih, nău djơh lam rêh jêng kon nuĭh, nduih lah ăp nău  kan tih pháp luật, n’hao geh nău tam trong leo lam ƀon lan mât rnă njrăng neh dak./.