Măng 3/12, ta Hà Nội, N’gâng kan dak si n’hanh Prăk nkrem ntop kơl nuĭh ji ung thư “Ôi taơ uĕh ang” ƀư bôk nău kan tâm nđŭr nghệ thuật, ƀư rgop prăk nkrem ntop kơl nuĭh ji ung thư ach o”. Groi Kruanh Quốc hội Trần Quang Phương tât râng. Ta nău ƀư aơ, Prăk nkrem ntop kơl nuĭh ji ung thư “Ôi taơ uĕh ang” rgŏ jă nău kan: “Du nău nchih, rkeh nău rŏng jao njuăl nuĭh ji ung thư” năm 2023.

Đah du nău nchih UT njuăl 1406 mbra rgop 20.000 prăk an nuĭh ji ung thư ach o ta lam dak. Ntoh ngơi ta aơ, Kruanh N’gâng kan dak si Đào Hồng Lan lah rjăp: Du nău nchih lah du nău mbơh yô̆ rŏng, lah nău tâm pă khlay, ntop tay soan dăng an nuĭh ji ung thư; Nkre djôt dơn, rlău 12 năm bah năp kơp bah dơi ndâk njêng, Prăk nkrem ntop kơl nuĭh ji ung thư “Ôi taơ uĕh ang” lĕ rgŏ jă, ƀư ntop kơl săm n’hanh an ndơ an bơi 35.000 nuĭh ji ung thư ach o ta lam dak khlay rlău 57 rmen prăk; Ntop kơl dak si săm ung thư an nuĭh ji khlay rlău 1.400 rmen prăk.