Công điện lah na nê̆: Gay ma mât đăp mpăn rnă njrăng hăn trong tâm ăp khay dŭt năm 2022, kơl an ƀon lan vơt Tết dương lịch, tết nguyên đán Quý  Mão n’hanh lễ hội năm mhe 2023.

 Thủ tướng Chính phủ đă Ủy ban mât đăp mpăn hăn trong ngih dak, ăp n’gâng kan, ăp ntŭk kan, mât kan chính trị- rêh jêng n’hanh Ủy ban nhân dân n’gor, nkuăl ƀon têh bâh trung ương knơm ta nău dơi, nău kan, ntĭm đă n’hanh leo ƀư tĭng 8 nău kan tơm khlăy, ntrong kan, gay ma n’hao nău pah kan mbơh tơih, rgŏ jă ƀon lan n’hanh nuĭh ƀon lan tât râng hăn trong  mât đăp mpăn ƀư tĭng nău ntrŭnh pháp luật mpeh hăn trong, n’huch rnoh tâm tom ndeh, kŏ bêng trong hăn, ngăn lah ăp trong me, trong tơm. ăp ntŭk leo ƀư nău tâm mâp rgum pah kan, n’hao nău uănh nđôi, rmal njrăng ăp nău tih mât đăp mpăn hăn trong, n’hao nău dơi, nău ueh di nchoăn rdeng năch, mât đăp mpăn tâm di đah nău ŭch hăn nsong bâh ƀon lan.