Thủ tướng Chính phủ Phạm Minh Chính mhe ký an Công điện mrô 634/CĐ-TTg nar 10/7/2023 dôh rklaih jêr jŏt, wăk kol tâm trong kan mpeh uănh năl rnoh khlay neh. Tĭng dăn đă bah âk ntŭk, trong kan uănh năl rnoh khlay neh ta du đêt ntŭk hôm e mâp âk jêr jŏt, wăk kol mpeh nău dơi, tĭng gưl, sam ƀŭt, jêng tât nău uănh năl rnoh khlay na nê̆ dŭt mbrơi, khuch tât ngăch mbơh ƀư nău nchrăp ƀư ntuh kơl. Gay ngăch mkra ăp wâl kol bah ƀon lan tâm nău uănh năl rnoh khlay neh an nê̆, Thủ tướng Chính phủ đă tay:

Kruănh N’gâng kan Tài nguyên n’hanh Môi trường ndăn; jêh bah năp nar 31/7/2023 nău nkra rgâl, ntop tay nău ntrŭnh na nê̆ trong mkra uănh năl rnoh khlay neh, ndâk njêng, nkra di rnoh khlay neh, nchrŏng rnoh khlay neh na nê̆ n’hanh mbơh ntĭm uănh năl rnoh khlay neh;p uănh nđôi, ngăch ntĭm ăp ntŭk dôh rklaih jêr jŏt tâm rnôk mbơh ƀư ntrôl dăng trong kan ntrŭnh rnoh khlay neh, ntrŭnh rnoh khlay neh. Ndâk njêng rmôt trong kan uănh nđôi, ntrŭt đă, mkra ăp wăk kol mpeh uănh an rnoh khlay neh bah ƀon lan, ngih pah kan ntŭk kan. Kruanh UBND ăp n’gor, nkual ƀon têh mpeh tâm Trung ương rgum ntĭm rđău trong kan uănh an rnoh khlay neh, ntrŭnh rnoh khlay neh tĭng nău dơi, mô an wăch dêr, mô ƀư jêr, mbrơi, khuch tât ngăch mbơh ƀư tĭng nău nchrăp ƀư ntuh kơl.