Kêng măng 02/2, Thủ tướng Chính phủ Phạm Minh Chính, Kruanh Ban rđău đă rgâl dơh glêh siƀŭt bah Chính phủ (Ban rđău đă), ƀư tơm rơh hop tâl 7 bah Ban rđău đă gay uănh năl lôch jêh an ƀư pah kan rgâl dơh glêh siƀŭt năm 2023 n’hanh trong rƀŏng, nău dơn kan năm 2024. Lah n’glôch jêh rơh hop, rgum tay ăp  nău dơi ntoh lư tâm pah kan rgâl dơh glêh siƀŭt tâm bah ri aơ nơh, Thủ tướng Chính phủ Phạm Minh Chính lah rjăp, ntrôl ngăch rgâl dơh glêh siƀŭt, rdâk njêng jâng nsing rgâl dơh glêh siƀŭt ngih dak rhŏ dŏng an  ƀon  lan, geh nău tam, nău dơi way ƀư  mbro, dơi Đảng, Ngih dak ntrŏng lah du n’gâng tơm, đăt ndal tâm rdâk njêng Ngih dak pháp quyền xã hội chủ nghĩa ta dak he.

An gĭt, khay 02 năm 2024, Ban rđău đă mbra n’gluh an dŏng trong nchrăp kan năm 2024 bah Ban rđău đă, Thủ tướng Chính phủ Phạm Minh Chính đă ăp nuĭh tâm Ban rđău đă an tĭng ƀư dĭl ăp nău kan, trong nkra ntrôl ngăch rgâl dơh glêh siƀŭt, lơn lah rgâl dơh glêh siƀŭt nkre đah rgâl mbrô, kơl an ƀư siƀŭt pơk sŏng dăng bah ngai, rgop ntrŭt ntrôl tĭng ƀư geh nău dơi ăp rnoh tât kan, nău dơn kan  hun hao wăng sa-rêh jêng kon nuĭh năm 2024 n’hanh let năp tay./.