Ôi 23/2, Thủ tướng Chính phủ Phạm Minh Chính ƀư tơm rơh hop Chính phủ way nkô̆ mpeh rdâk njêng pháp luật khay 02.2023. Lah ta rơh hop, Thủ tướng Chính phủ Phạm Minh Chính an gĭt an ƀư Nghị quyết Đại hội XIII bah Đảng, ăp nghị quyết bah Trung ương, Quốc hội, Chính phủ hŏ rgum âk tĭng ƀư 3 đăt ndal têh jong, tâm nê geh đăt ndal mpeh ƀư lôch jêh nău way nchâp đă tĭng trong kan.

Tâm năm 2022, Chính phủ ƀư 9 rơh hop n'hanh âk rơh hop Rnâng kan Chính phủ mpeh way nkô̆ mpeh rdâk njêng pháp luật. Lăp tâm năm 2023, aơ lah rơh hop tâl 2 bah Chính phủ gay rdâk njêng pháp luật, lôch jêh nău way trong kan đă tĭng ƀư, droh rklaih kŏ kol jêr jŏt, njêng trong soih aih nău tâm di an hun hao. Thủ tướng dăn đă nsum mpôl Chính phủ n'hanh tĭng nuĭh kan Chính phủ ân nsrôih tay lơn, dâk kan lĕ nuih n'hâm, đah nău mĭn đăt ndal, rdâk njêng pháp luật nkre ân đăp mpăn rnoh ngăch, nkre ân đăp mpăn săk tam nău kan.