Ôi 6/7, Thủ tướng Chính phủ Phạm Minh Chính mâp măt mpôl đại biểu ntoh măt nuĭh geh soan đah n’gor Nam Định. Aƀaơ n’gor Nam Định geh rlău 36 rbăn tahen khĭt, rlău 41 rbăn tahen sôt rmanh n’hanh tahen ji săk, bơi 3 rbăn Mê̆ Việt Nam Janh dăng rlău 10 rbăn nuĭh râng tâm lơh tâm su geh khih dak si hóa học. Ntoh ngơi ta nar mâp măt, Thủ tướng  Chính phủ Phạm Minh Chính an gĭt, tâm trong kan mât đăp mpăn nău rêh jêng, geh nkô̆ nău khlay lah mât uănh an nuĭh geh soan.

Thủ tướng lah rjăp, neh dak he rlet rlău năm khay jŏ jong tâm lơh sŏk đăp mpăn, ƀư tơm n’hanh tâm rnôk nĕ, geh âk nuĭh mro mrăng yor neh dak, geh âk nuĭh plơ̆ sĭt yơn mô ngăch prăl, hôm e tâm săk khuch tâm lơh tâm su. Yor nĕ, Đảng, Ngih dak geh jêr jŏt ndâng tât kơl an kruanh, ƀĭt joet, ndâk njêng ăp trong ƀư, nău kơl, rdâk ƀư ăp nău kơl uĕh, tŏng ăp, rgop trok du gâl ăp nău roh aơ. Nău trok aơ mô dơi tâm ban đah nău khĭt, nău roh bah ăp nuĭh janh dăng, tahen khĭt, tahen sôt rmanh, rnăk wâl geh doan đah cách mạng; yơn he an ƀư dŭt n’hâm dơi geh.