Kêng măng 2/8, ta Nkual ƀon têh Hồ Chí Minh ƀư n’glôch jêh “Trong nchrăp hun hao ntĭm nti nău kan an nuĭh quet nte tă bah ji khêh dak si dioxin ta nkual ƀon têh Hồ Chí Minh”.  Trong nchrăp dơi tĭng ƀư kơt siƀŭt tâm boh đah Nhih pah kan hun hao ntŭk gŭ rêh dak bah dih Nhật Bản, Hội Nuĭh ji khêh dak si dioxin Việt Nam n’hanh Nhih pah kan tâm boh dak bah dih Nhật Bản.

Tât aƀaơ, bôk nău kan hŏ ntĭm nti dơi 4 kỹ sư tuch tăm n’hanh 6 chuyên viên mpeh dak si gay ntop kơl nuĭh kan quet nte tă bah ji khêh dak si dioxin. Bah meng nê, Ủy ban Nhật Bản Hỗ trợ Làng Cam hŏ kuăl jă rgop rlău 270 nuĭh ƀon lan Nhật Bản, rgop prăk ƀư ăp jay jal tăm biăp ma mbor dak hoch n’hanh ăp ntŭk tăm biăp ta nkual ƀon têh Hồ Chí Minh. An tât aƀaơ, trong leo tăm biăp kloh uĕh hŏ nsĭt tay rnoh khlay âk, pă an găr ntil an ăp ntŭk tăm bah dih nkual ƀon têh. Ăp siƀŭt ton rvăt ndơ dơi tât ma Internet n’hanh tăch an ăp nuĭh kơl gay der bah tăch ma bu ndranh rvăt, jêng tât nsĭt geh wăng sa hŭch đêt an nuĭh quet nte.