Ôi 12-12, UBND n'gor Gia Lai ƀư tâm nchră mâp na nê̆ nkre đah pơk sŏng dăng đah kruanh UBND n'gor đah ăp hội viên ƀon lan kan lŏ mir ta n'gor. Râng tâm dâl nău ta 17 ntŭk ƀoh gưl nkuâl, đah nău tât râng bah rlău 400 đại biểu lah hội viên ƀon lan kan lŏ mir.

Đah nuih n'hâm sŏng dăng, rah rơch, ntơh măt ăp ntŭk kan tuch tăm mât rong têh hvi, hợp tác xã, hội viên ƀon lan kan lŏ mir hŏ n'gluh âk nău ôp đah kruanh rđău kan n'gor Gia Lai n'hanh ăp n'gâng kan geh tât. Tâm nê rgum tâm 5 rmôt nkô̆ nău ôp, lah: Kon si ntil, ndơ mât; ntop kơl tơm prăk dơh; nău way, trong kơl droh rklaih jêr jŏt an nău kan tuch tăm; neh ntu; ntop kơl rdâk njêng ntŭk ntô ndơ dŏng tâm ƀon lan, ntŭk gŭ rêh. Ăp nău ôp ta rơh tâm nchră hŏ dơi kruanh rđău kan ăp nhih pah kan dơi kan ơh rblang na nê̆. Du đêt nău dăn đă ân ôp uănh ƀư kloh, ăp nhih pah kan dơi kan nchih nkah, gŭ mĭn, nkra./.

VOV Tây Nguyên/Nuĭh rblang: Điểu Thân