28/7, ta Ngih Quốc hội, Ủy ban Kinh tế bah Quốc hội ƀư Rgum nchră sŏk nău rgop mpeh dự thảo Luật neh ntu (nkra rgâl). Jêh âk rơh nkra, tât aƀaơ nău dôl uănh tâm dự thảo luật Neh ntu (nkra rgâl) lĕ ntrŭnh na nê̆ mpeh nău kơl neh ntu an nkual rnoi mpôl đêt. Tĭng nĕ, nău ntrŭnh kloh nău kơl jao neh, an manh neh gŭ, neh tuch tăm an nuĭh rnoi mpôl đêt tâm rnăk ach o ta ntŭk geh nău wăng sa-rêh jêng jêr jŏt, lơn lah jêr jŏt gay đăp mpăn nău rêh.

Đah nău kơl jao jay gŭ, neh tuch tăm, dự thảo Luật ntrŭnh kloh jao neh, an neh rơh bôk năp n’hanh jao neh, an manh neh an nuĭh rnoi mpôl đêt mô hôm neh mô lah mô tŏng neh tuch tăm nkôp đah rnoh jêh jao neh, an manh neh. Dự thảo Luật nkra rgâl nău ntrŭnh mpeh nău ƀư tĭng dơi dŏng neh geh nkô̆ nău. Tĭng nĕ, nuĭh rnoi mpôl đêt dơi hao an nuĭh ndơn n’hanh an ndơn; dơi n’glơi an nuĭh tâm rnăk dŏng tay neh tuch tăm dơi jao, an manh. Nkre ntop tay nău ntrŭnh mpeh sŏk lơi neh gay ƀư nău nchrăp ƀư pă neh gŭ, neh tuch tăm an rnoi mpôl đêt.