Nthoi tay rơh hop tâl 21, nar 17/3, Ủy ban Thường vụ Quốc hội an nău rgop tâm trong nchrăp Luật jay gŭ (rgâl nkra). Tâm siƀŭt mbơh rblang trong nchrăp Luật jay gŭ (rgâl nkra) njuăl tât Ủy ban Thường vụ Quốc hội, Chính phủ lah rjăp nău khlay ân kơi ntop quy định na nê̆ nău năl di, dŭt bah nău dơi dŏng jay chung cư nkhêp geh jay chung cư mô hôm tŏng nău dơi đăp mpăn nâp uĕh an nuĭh dŏng.

Âk nău rgop an lah, quy định mpeh jong năm dŏng jay chung cư mbra ntoh ăp nkô̆ nău ŭanh năl na nê̆, kơt: nău mĭn mô ŭch rvăt jay chung cư, khuch têh tât ntŭk tăch rgâl neh ntu. Bah năp nê, Luật Jay gŭ năm 2014 hŏ quy định na nê̆ mpeh jong năm jay chung cư rnôk tât lĕ năm dŏng ma mô hôm tŏng nâp uĕh ri ân rơih, rdâk ƀư tay mhe. Yơn lah, tâm bah ri  aơ nău rơih, rdâk ƀư tay jay chung cư ta ăp n'gor, lơn lah ta Hà Nội, nkual ƀon têh Hồ Chí Minh dŭt mbrơi, mâp âk jêr jŏt.