Vơt tĭng nău kuăl jă bâh Tổng Bí thư, Kruanh dak Tô Lâm n’hanh Ủy ban Trung ương Mặt trận Tổ quốc Việt Nam, n’hao nău way ơm tâm rnglăp, tâm pêt tâm kơl”, “n’ha ueh nkŭm n’ha sat” bâh mpôl rnoi, ôi nar aơ 12/9, ta ntŭk kan Quốc hội, ê lor geh pơk rơh rƀŭn nchră tal 37 bâh Ủy ban rnâng kan Quốc hội, ntŭk kan Quốc hội ƀư rơh lễ tâm rgop, kơl an ƀon lan ndâk nsơm nău khuch tât bâh phŭt sial mbrô 3.

Ntoh ngơi ta rơh tâm rgop, Tổng thư ký Quốc hội, Kruanh ntŭk kan Quốc hội Bùi Văn Cường an git, tâm ăp nar mhe nơh, phŭt sial mbrô 3 n’hanh mih dak buk lĕ ƀư khuch âk tât nuĭh n’hanh drăp ndơ ta âk n’gor, nkuăl ƀon têh mpeh ba lơ bâh dak he. Gay ma tâm kơl nău jêr jŏt, kơl ndâk nsơm nău tât bâh mih sial  ƀư khuch khat, n’hao nău way ơm tâm pêt tâm kơl”, n’ha ueh nkŭm n’ha sat” bâh mpôl rnoi n’hanh vơt tĭng nău kuăl jă bâh Tổng Bí thư, Kruanh dak Tô Lâm n’hanh Ủy ban Trung ương MTTQ Việt Nam mpeh n’hao ăp nău kan ueh mpơl nău tâm rnglăp mpôl rnoi, tâm rŏng mpôl rnoi, ntŭk kan Quốc hội ƀư rơh tâm rgop kơl an nuĭh ƀon lan ta nkual geh nău khuch khat, ơm đăp mpăn nău rêh jêng.