Kêng măng ntri (12/7), Uỷ ban Thường Vụ Quốc hội hŏ uănh an dŏng Nghị quyết bah Ủy ban Thường Vụ Quốc hội mpeh nău dăp rgum ăp đơn vị hành chính gưl nkuâl, gưl xã lvang năm 2023- 2030. Nchrăp trong dăp rgum nklăp 33 đơn vị hành chính gưl nkuâl n’hanh 1.327 đơn vị hành chính gưl xã tâm rơh dja.

Lah ta rnôk tâm nchră, Kruanh Quốc hội Vương Đình Huệ dăn đă ƀư lôch jêh tay Nghị quyết gay ký n’gluh an dŏng, tâm nê uănh khlay, mĭn di na nê̆ ăp nău mha êng mpeh nău way ơm lịch sử, văn hóa, rnoi mpôl đê̆, chroh rƀŭn, nău way ôp brah lah yang, nău way gŭ rêh; nkre quy định na nê̆ rnoh di đơn vị hành chính bơi dăp rgum. Nghị quyết bah Ủy ban Thường Vụ Quốc hội mpeh nău dăp rgum ăp đơn vị hành chính gưl nkuâl, gưl xã lvang năm 2023 – 2030 nsrôih tât năm 2030, ăp đơn vị hành chính gưl nkuâl, gưl xã dơi dăp rgum tâm di đah trong hun hao wăng sa- rêh jêng kon nuĭh; tŏng đah nău ŭch geh rdâk njêng dak he jêng du dak công nghiệp têh uĕh mhe, tĭng trong rƀŏng xã hội chủ nghĩa.