Ban Rnâng kan Uỷ ban Trung ương Mặt trận Tổ quốc Việt Nam mhe n'gluh an dŏng trong nchră mbrô 676 mpeh nău ƀư sŏk nău rgop ƀon lan mpeh trong nchrăp Luật Neh ntu (rgâl nkra). Tĭng nê, nău ƀư sŏk nău rgop ƀon lan mpeh trong nchrăp Luật Neh ntu (rgâl nkra) ân dơi ƀư geh nău tâm ban, khoa học, mbơh gĭt kloh rvah; đăp mpăn rgâl mhe, săk tam. Bah nê, rgum ăp tŏng, di ngăn ăp nău rgop bah nuĭh ƀon lan gay mbơh ngăch tât Chính phủ n'hanh ăp nhih pah kan dơi kan.

Trong nchrăp nkoch kloh ăp nkô̆ rgum tơm tĭng rmôt nuĭh sŏk nău rgop. Rmôt nuĭh ăp rơh kơn ƀon lan, Uỷ ban Trung ương Mặt trận Tổ quốc Việt Nam ăp gưl, ăp nuĭh râng kan nsum, ăp nuĭh khoa học, nuĭh rnâng kan, ăp Hội đồng mbơh nti bah Mặt trận Tổ quốc Việt Nam râng lĕ rngôch ăp nkô̆, điều, khoản bah trong nchrăp Luật. Uănh tĭng nău dơi n'hanh nău geh na nê̆, tĭng rmôt nuĭh rgum rgop jru hvi lơn  tâm du đêt nkô̆ na nê̆. Jŏ sŏk nău rgop ƀon lan mpeh trong nchrăp Luật neh ntu (rgâl nkra) tât lĕ nar 15/3/2023.