VOV4. M’nông: Ngoại trưởng n’hanh Bộ trưởng Quốc phòng Mỹ n’hanh Nhật Bản nar 16/03 hŏ râng rơh hop uỷ ban nsŏng kơl rnă njrăng đah bar dak. Bar ding hŏ ndơ̆ luh nău mbơh nsum mpeh âk nkô̆ nău lĕ ma nkô̆ nău Trung Quốc n'hanh Triều Tiên lôch rơh hop. Tĭng Bộ Ngoại giao Mỹ, nău mbơh nsum nkoch kloh nău tâm boh băl mpôl Mỹ- Nhật lah ntŭk nsing tay đăp mpăn, n’hanh têh ndrŏng Ấn Độ Dương - Thái Bình Dương. Ăp bộ trưởng bar dak lah rjăp nău khlay bah nău đăp mpăn ta yơn dak lêng Đài Loan n'hanh rlăch dun ăp nău dăn đă n'hanh nău kan tih bah Trung Quốc ta dak lêng. Mĭn lah kho hạt nhân bah Triều Tiên lah nău ntêt nkri đah đăp mpăn dak bah dih, Mỹ n’hanh Nhật Bản plơ̆ lah rjăp nău ton đah bư bah hạt nhân ta Triều Tiên n’hanh kuăl jă Triều Tiên ting ăp nău way bah he tĭng ăp nghị quyết bah Hội đồng bảo an./.

Nuĭh rblang: Điểu Thân