Nhih pah kan nkoch  trêng nău lư kuĭl dak lêng nkoch  âk mpeh trong hăn khâl bah Thủ tướng Chính phủ Phạm Minh Chính tât ăp Tiểu vương quốc Ả-rập Dơn ngoăy Saudi Arabia n’hanh Qatar. Nhih pah kan nkoch trêng nău lư nkual nkoch mpeh nău khlay hăn khâl bah Thủ tướng Phạm Minh Chính tât 3 dak tâm nkual, tâm nê uănh năl UAE, Saudi Arabia n’hanh Qatar lah ăp dak băl tâm boh khlay, jŏ jong lam lĕ rngôch bah Việt Nam ta âk trong kan.

Nhih pah kan nkoch trêng nău lư UAE nkoch ăp nău dơi hŏ geh tâm trong hăn khâl, lơn lah nău Việt Nam n’hanh UAE tâm ban ŭch n’hao tâm boh bar ding lah băl tâm boh tâm brê lam lĕ rngôch, ký ton Hiệp định tâm boh wăng sa lam lĕ rngôch Việt Nam - UAE. Ta Saudi Arabia, nhih pah kan nkoch trêng nău lư nkoch mpeh nău ntrŭt ntrôl tâm boh đah bar dak; dŭt njrăng uănh khlay lah rơh tâm nchră đah Thủ tướng Phạm Minh Chính n’hanh Thủ tướng dak Saudi Arabia Mohammed Bin Salman. Ta Qatar, báo chí nkoch mpeh ăp rơh wơt, tâm nchră đah Thủ tướng Phạm Minh Chính đah kađăch, Thủ tướng n’hanh Kruanh Quốc hội dak dja.