N’gor Quảng Ngãi mhe ký ton đah ăp nuĭh ntuh kơl ƀư tĭng 3 nău nchrăp ƀư nkual ƀon têh jru hvi ta nkual Măng Đen, dĭng lĕ prăk dăn ƀư bơi 27.000 rmen prăk. Ăp nău nchrăp ƀư geh dĭng lĕ têh bơi 790 ha. Ta năp nĕ, UBND n’gor Quảng Ngãi lĕ uănh an jêh săch nuĭh ntuh kơl tă bah trong ƀư ndranh đah ăp nău nchrăp ƀư.

Na nê̆, Công ty TNHH Tập đoàn Sun World ndrel Liên doanh Công ty TNHH Quản lý Hạ tầng Nam Việt n’hanh Công ty TNHH Mât uănh neh ntu Ngôi sao Phú Quốc lah ăp doanh nghiệp ntuh kơl ƀư ăp nău nchrăp ƀư. Rnôk jêh, 3 nău nchrăp ƀư nkual têh aơ mbra pă an ntŭk tăch rlău 14.000 ndơ neh ntu ăp ntil. Ăp nău nchrăp ƀư ntuh kơl gay na nê̆ rgop dăp rgum nkual Tây Nguyên n’hanh dăp rgum nsum ndâk ƀư nkual pâl nđaih Măng Đen, tĭng gưl jêng du nkual wăng sa nuih n’hâm mhe bah n’gor Quảng Ngãi.