Nuĭh leo kan n’gor Đăk Lăk tât ôp khâl nău rêh, gĭt nău pah kan, mbra tâm rdâng, mât nău ƀư tơm, rnă njrăng n’har bri ta rơh Tết way ơm bâh mpôl rnoi. Nuĭh leo kan UBND n’gor Đắk Lắk mbơh nău, năm 2025 mhe nơh tâm rdâng đah âk nău jêr, nău ntul rlong,  yơn n’gor hôm nha geh âk nău ueh tâm hun hao wăng sa rêh jêng. geh tơm prăk ngih dak bơi tât  18 rbăn rmen prăk, hao rlău 2,8 rmen đôlar. N’gor rnê âk ăp nău tâm rgop têh bâh mpôl tahen, tâm nĕ geh tahen n’har bri, lĕ ntop mât rbăy rnă njrăng, mât đăp mpăn ƀư tơm ngih dak, geh nău khlăy ngăn đah nău đăp mpăn n’hanh hun hao. Nuĭh leo kan ăp ntŭk kan n’har bri mbơh tơih, mpôl kan lĕ leo ăp nău nchrăp mbra geh tâm rdâng kan, mât đăp mpăn ta rơh Tết Nguyên đán Bính Ngọ 2026, nkre lah, ăp ntŭk dôl geh mbơh tơih leo ƀư ăp bôk nău kan rnă njrăng rêh jêng kơt “năm mhe n’har bri răm nuih n’hâm ƀon lan”, nsum ti mât kơl Tết an nuĭh ƀon lan ta n’har bri.