Lơ 5/2, Groi Kruanh dak Võ Thị Ánh Xuân leo trong Mpôl groi nđôi bah Ủy ban Thường vụ Quốc hội n’hanh Hội đồng Săch Ngih dak uănh nđôi trong kan nchrăp săch ta n’gor Lâm Đồng. Tât aƀaơ, n’gor Lâm Đồng lĕ ndâk njêng 124 Ủy ban săch gưl xă di dăp, nuĭh tĭng luật ntrŭnh: nkre ndâk njêng 6 Ban săch đại biểu Quốc hội n’hanh 38 Ban săch đại biểu HĐND n’gor.

Lam n’gor pă 6 ntŭk kan săch đại biểu Quốc hội, mbra săch 17 đại biểu; 38 ntŭk kan săch HĐND n’gor, săch 85 đại biểu. N’gor lĕ ndâk ƀư 1.004 ntŭk kan săch đại biểu HĐND gưl xă, gay săch 2.949 đại biểu. Ntoh ngơi n’glôn jêh nar pah kan, Groi Kruanh Hội đồng săch Ngih dak Võ Thị Ánh Xuân đă n’gor n’hao ntĭm rđău, ƀĭt joet, uănh trong kan săch lah nău kan chính trị khlay ngăn, mô an geh du ntil nău geh mbrơi, geh vĭ mô lah ndrăt ndal; nkre rhăt jăp kơp uănh tâm di, nău dơi nuĭh săch, tŏng ăp dăp tâm di, di nău ntrŭnh.