Rơh bôk năm mhe 2026 n’hanh bah năp Tết Nguyên đán Bính Ngọ, ôi 5/2, Kruanh dak Lương Cương hăn khâl, mbah rhơn Tết ta n’gor Phú Thọ. Ndơn măt kruanh Ngih dak, Kruanh dak uănh lah prêh n’hanh mbah rhơn ăp săk rnglăy, nău geh ma Đảng bộ, n’gâng kan, nuĭh ƀon lan n’hanh rmôt vũ trang n’gor Phú Thọ lĕ dơi geh tâm năm 2025.

Ta năp Tết way ơm bah rnoi nuĭh, Kruanh dak đă gưl ủy, n’gâng kan ƀon lan ăp gưl n’gor Phú Yên mât uănh jru hvi, ndâk ƀư tĭng rjăp, ăp nău ntrŭnh, nău kơl bah Đảng, Ngih dak mpeh mât uănh nău rêh nuĭh ƀon lan, ƀư Tết Bính Ngọ năm 2026 tŏng ăp răm m’ak, đăp mpăn uĕh lăng, ntêm nkrem; lơn lah uănh tât, mât uĕh ăp nuĭh dơi kơl, chop khâl Mê̆ Việt Nam Janh dăng, tahen ơm, tahen sôt rmanh, rnăk tahen geh roh, nuĭh geh soan đah cách mạng, phung pah kan, nuĭh pah kan jêr jŏt, nuĭh ach o. Di rơh aơ, Kruanh dak lĕ an 500 nklâm ndơ an rnăk ach o, 500 nklâm ndơ an phung pah geh nău rêh jêr jŏt.