Ôi 5/2, UBND n’gor Dak Lak ƀư rƀŭn nchră ăp rơh khay 1 năm 2026. Tĭng nău mbơh, khay 1/2026, nu nău wăng sa-rêh jêng ta ntŭk ntơm đăp mpăn, âk ntil nău mât hao jêng âk. Tâm lŏ mir, nkra njêng yan puh n’hanh yan wai dơi ƀư di ngăch. Nkra njêng công nghiệp mât hao jêng đah rnoh nkra njêng công nghiệp hao bơi 16% nkôp đah rơh aơ. Nău pâl nđaih ƀư dŭt n’hâm ntơm bah bôk năm.

Wa Tạ Anh Tuấn, Kruanh UBND n’gor Dak Lak lah rjăp đă ăp nău kan, ƀon lan an ƀư dŭt n’hâm, kloh nău kan, kloh ngăch tă bah bôk năm, rơh bôk năm bah năm 2026; uănh pă an prăk ntuh kơl nsum lah nău kan chính trị khlay, tĭng lĕ đah nău kan nuĭh djôt bôk đah săk rnglăy ƀư tĭng. Ta năp măt, an rgum têh ngăn an trong kan mât uănh Tết Nguyên đán Bính Ngọ, đăp mpăn an ăp nuĭh dơi wơt tết đăp mpăn, hơm răm.