Tâm 2 nar 5-6/2, ta 5 xă n’har bri neh kơh bah n’gor Lâm Đồng, Quân khu 7 tâm rgop đah n’gâng kan ƀon lan ƀư trong nău kan “Xuân chiến sĩ” Bính Ngọ 2026. Aơ lah bôk nău kan geh têh ngăn bah sa ơm tât aƀaơ ta ăp xă n’har bri Dak Wil, Thuận An, Thuận Hạnh, Quảng Trực n’hanh Tuy Đức.

Bôk nău kan jao an rlău 2.600 nklâm ndơ tât Nuĭh ƀon lan, cán bộ, tahen; ƀư ăp nău kan văn hóa-njroh mprơ rhơn Đảng, rhơn năm mhe n’hanh ntơm ndâk ƀư rkum ƀon lan gŭ rgum ta xă Quảng Trực. Thiếu tướng Trần Chí Tâm, Groi Chính ủy Quân khu 7, an gĭt, nău ƀư bôk nău kan “Xuân chiến sĩ” đah geh dŭt têh ngăn bah sa ơm tât aƀaơ saơ nău uănh kơl têh bah Đảng, Ngih dak đah tahen n’hanh nuĭh ƀon lan ta ntŭk; tă bah nĕ rgop nâp nâl, ndâk njêng nâp nâl “nuih n’hâm ƀon lan” ntŭk bôk bah neh dak./.