Tổng Bí thư Tô Lâm n’hanh Tổng Bí thư, kruanh dak Lào Thongloun Sisoulith mpơl nău rhơn ta năp njoat huhn hao têh hvi, săk rnglăy n’hanh ngăn ngên ta nău tâm boh tâm kơl kan Việt Nam- Lào tâm ba năp nơyh. Bâh ăp nău mpŏng kan têh đah nău uănh năl jŏ jong lĕ geh 2 ding tâm ban ŭch, 2 hê nuĭh leo kan dơn ngoăy nău kan tơm khlăy an geh rgum mbơh tơih dâl tâm năm kan aơ. Tĭng nĕ, 2 ding an geh n’hao tay nău tâm mbơh nău, tâm nkoch nău tă blău kan tâm ntrong mbơh tơih Nghị quyết Đại hội bâh ăp Đảng. Ndrel đah nĕ, ntrôl dăng nău tâm rgop kan đah n’gâng kan wăng sa,k an geh rgum rnoh kan mhe, tâm rgop na nê̆ n’hanh mbơh tơih răng dăng ăp nău kan tơm khlăy ngăn, njêng nău mhe gay ma tâm rgop nău wang sa, tăch rgâl, ntuh kơl n’hanh hun hao ta nkual, nsrôih prăk tăch ndơ đah 2 ding geh tât 10 rmen đôlar tâm let năp tay.