Ơh nău ôp ta năp Quốc hội kêng măng 12/11, Thủ tướng Lê Minh Hưng lah rjăp Chính phủ dôl rđău đă dŭt n'hâm ăp trong kơl prăk kaih, tơm prăk ŭch ndơ̆ hao jêng GDP năm 2026 rlau 10% n'hanh mât kân hao khlay ndơ wăr năm geh 4,5%. Thủ tướng lah rjăp, Chính phủ hŏ n'hŭch rnoh nău nchrăp ƀư bah tơm prăk Trung ương jŭr hôm rlau 3.000 nău nchrăp ƀư khlay, geh nău ring tam. Ndrel đah nău nchrăp ƀư mô sŏk, n'huch prăk soay bơi 256 rbăn rmen prăk, nuĭh dâk bôk năp Chính phủ ton nâp nâl ntrŭnh đăp mpăn rnoh khlay prăk kaih, rgâl ngăch cán bộ nchâp đă ƀư kan hôm geh nau der n'hanh njêng nau ntrŭt ntrôl an lvang 2026–2030.

Gay pơk hvi tơm ndơ n'hanh n'hao nău dơi tâm rlong jâng wăng sa, Thủ tướng an gĭt mbra rgum tâm ăp trong nkra tơm khlay, nsrôih n'hao nsĭt geh tơm prăk bơi 9%, têm geh đê̆ ngăn 5% prăk ntuh kơl nsum n'hanh 10% prăk dŏng ƀa ƀơ; hun hao ntŭk tăch rgâl tơm prăk gleh n'hanh jŏ jong, ntrŭt đă ƀư trái phiếu bah ntŭk kan tăch rgâl n'hanh văch rgum ăp tơm prăk ntuh kơl dak bah dih. Kơl lor công nghiệp jâng nsing, ŭnh nar, điện tử, bán dẫn; hun hao tuch tăm mhe, n'hŭch n'hôl djơh hăn ndrel đah nkret njêng jru; ntrôl dăng pâl n’aih, logistics n'hanh ntrŭt ntrôl ngăch tăch rgâl. Nkre đăp mpăn tơm ndơ dŏng, ndơ sa khlay, koh n'hŭch prăk dŏng kan n'hanh jao rnoh tât mât kân bah hao khlay ndơ na nê̆ tĭng ntŭk, mât njrăng đăp mpăn ăp nŭih ƀon lan kŏ geh nau dơi bah nau hun hao./.