Kruanh Quốc hội Trần Thanh Mẫn n'hanh Kruanh Hội đồng Liên bang Matviyenko tâm ban ŭch uănh năl nău tâm rnglăp way ơm, nsing nơm, nău tâm gĭt wât n'hanh tâm ryơk, tâm kơl ndrel đah Việt Nam n'hanh Nga lĕ dơi âk rơh kơn bun dăp; bar ding an trêng tay nău way ơm nĕ n'hanh trêng nti tay an rơh kơn bah kơi bah ăp bôk nău kan, nău ƀư tâm nđŭr văn hóa, ntĭm nti, druh ndăm n'hanh pâl nđaih; uănh khlay nău ntĭm nti nău ngơi Nga ta Việt Nam, nău ngơi Việt ta Nga, rgop tâm nău hun hao bah ăp dak n'hanh ƀư ntung njŏ an tâm boh bar ding.

Bar Kruanh lah rjăp nău nsrôih ndơ̆ tâm boh nghị viện hăn jru hvi, n'hao dăng kan nsum đah ăp nhih pah kan way kan, têk n'hao nău dơi tam pah kan bah ăp rmôt nghị sĩ tâm rnglăp; ntrŭt ntrôl ƀư lôch jêh ntŭk ntô pháp lý n'hanh groi nđôi tĭng ƀư ăp tâm ton bar ding, hăn ndrel đah Chính phủ, n'gor n'hanh doanh nghiệp bar dak.