Công an n'gor Dak Lak mbơh, lam n'gor lĕ mêt uănh, rgum nău mbơh bah 12.308 nting tahen khĭt, tâm nê 5.458 nting tahen khĭt ê geh năl moh săk. Bah nău mêt uănh aƀaơ geh 3.985 nting tahen hôm geh nŭih tâm rnăk wâl tŏng nău dơi gay ma rgum nting đah rnoh 4.346 nŭih.

Tâm rơh 1, n'gor lĕ rgum geh rlău 2.400 nting tahen khĭt. Tâm rơh 2 aơ, nchrăp rgum tay 1.671 nting. Gay ma nău sŏk mham geh săk rnglăy, Công an Dak Lak lĕ tâm rgop đah n'gâng kan têh, n'gâng kan ta ntŭk uănh nđôi tĭng nuĭh, na nê̆ tât ăp rnăk vâl sŏk nău mbơh, ntĭm n'hanh mbơh rblang nău kan. Nău kan aơ geh ƀư na nê̆, yor ăp ntil mham geh tât nău mpŏng joi tay săk, ndơ̆ ăp tahen sôt rmanh plơ̆ sĭt đah săk nơm n'hanh rnăk wâl.