Gay ndơ̆ rnoh n'gluh tơm prăk rlău 90% tâm kêng dŭt năm, n'gor Dak Lak dôl kơp uănh kơp ăp trong nkra ntop tay tơm prăk n'gluh an, nkre đă uănh n’ôi, rgâl di tơm prăk bah ăp nău nchrăp ƀư mô dơi ƀư. Tâm lĕ rngôch rnoh tơm prăk nchrăp ƀư tơm prăk ntuh kơl nsum năm 2026 yor Thủ tướng Chính phủ jao, Dak Lak hŏ n'gluh an dŏng 5.828 rmen prăk, geh 67%, dăp tal 25/34 n'gor, nkual ƀon têh.

Rnoh ngăch n'gluh tơm prăk mbrơi yor âk nkô̆ nău, tâm nĕ geh wăk kol ntrơn ntŭk gŭ, săm ƀŭt ntuh kơl, tơm prăk sŏk dŏng neh n'hanh du đêt tơm prăk mhe dơi jao. Tĭng kơp uănh na nê̆ ăp tơm prăk, N’gâng kan tơm prăk n'gor Dak Lak ndâk njêng 3 trong nchrăp gay n'hao rnoh an manh ngân hao nklăp 95%. Tâm nĕ, n'gor ntrôl ngăch n'gluh tơm prăk ăp nău nchrăp ƀư dŭt têh, ngih săm ƀŭt rep gưl ta ăp xã n'har bri n'hanh tơm prăk bôk nău kan gưl neh dak./.