Jêh rlău 2 pơh ƀư ta trong kơt dŏng ƀư na nê̆ ta internet (Web App) yor Mpôl rdâk ƀư ndâk nkra, rơh tâm rlong lĕ wăch rgum âk cán bộ, mpôl bu ur n’hanh ăp rơh kơn nuĭh ƀon lan n’gor Dak Lak râng, đah rlău 52.000 nău nchih tâm di.

Ueh nău tâm rlong dơi uănh lah prêh, âk nuĭh tâm rlong geh điểm âk ngăn 200 điểm đah mông jêh đêt. Wa Nguyễn Thị Hồng Thái, Kruanh Hội Liên hiệp bu ur n’gor Dak Lak, Kruanh Mpôl rdâk ƀư tâm rlong an gĭt, rơh tâm rlong dơi mĭn lah du rơh rgum rƀŭn nchră chính trị lam hvi, rgop ndơ̆ nkô̆ nău khlay bah ăp Nghị quyết năm kan 2025-2030 tât êp lơn đah cán bộ, hội viên n’hanh nuĭh ƀon lan. Ta rƀŭn nchră, Hội Liên hiệp bu ur n’gor Dak Lak an 9 giải rmôt n’hanh 24 giải êng du hê.