Ntoh ngơi ta nar pah kan, Tổng Bí thư, Kruanh dak Tô Lâm đă Đảng ủy, kruanh n’hanh lĕ rngôch cán bộ, tahen Sư đoàn bộ binh cơ giới 308 an ndâk njêng Sư đoàn ngăn ngên nâp dăng mpeh chính trị, dŭt n’hâm tĭng đah Đảng, Neh dak n’hanh nuĭh ƀơn lan. Aơ lah tĭng nău way, lah n’gâng tơm jêng soan dăng rdâng lơh bah Tahen he.

Yor rĭ, Sư đoàn an uănh khlay ngăn ntĭm nti chính trị, ntĭm rđău nău mĭn, ntĭm nti nău way ơm; ƀư an cán bộ, tahen gĭt nău mĭn, nău rêh, trong mkra, trong pah kan bah Wa, ntô̆ n’hao nău way ơm, mât ueh lĕ đah nău kan tâm ăp ntil nău. Tổng Bí thư Kruanh dak Tô Lâm nsing nơm, đah nău way ơm “Hăn lor, janh dăng, tâm rnglăp, kỷ luật, ndăn ngăch, nsrôih lơh, nsrôih dăng” đah nău ntô̆ n’hao bah ntŭk kan Anh hùng lực lượng vũ trang nhân dân, geh âk nău way ơm, cán bộ, tahen Sư đoàn bộ binh cơ giới 308 mbra tâm rnglăp tay, rgâl mhe, mĭn ƀư mhe, hun hao êng, rlet rlău jêr jŏt, lôch ueh ăp nău kan.