Dak Lak jao an ndơ̆ dŏng 3 ngih samƀŭt nội trú n’har bri bah năp 25/8
Thứ năm, 14:00, 13/08/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Jêh rlău 10 khay mbơh ndâk ƀư, ăp ngih samƀŭt nội trú 2 gưl n’har bri Ia Lốp, Ia R’vê n’hanh Buôn Đôn, n’gor Dak Lak, lĕ ntơm jêh, mbra dơi UBND n’gor jao an bah năp lơ 28/8 tât, gay n’gor n’hanh ăp ngih samƀŭt rlong dŏng, nchrăp ndơ̆ an dŏng na nê̆ tâm năm nti mhe 2026-2027.
Kơp tât 12/8, ta Ngih samƀŭt nội trú 2 gưl Buôn Đôn, xă Buôn Đôn , ngih pah kan dơi kan dôl sŏk dŏng ăp ndơ ƀư tĭng nău ntrŭnh. Nchrăp, ndơ ƀư mbra dơi jao an UBND xă Buôn Đôn tâm lơ 20/8. Đah Ngih samƀŭt 2 gưl Ia Rvê, rnoh ndơ ndâk ƀư ntơm jêh lĕ geh nklăp 99%.
Aƀaơ du đêt ndơ ƀư jêt. Ngih samƀŭt nội trú 2 gưl Ia Lốp ngăch ƀư mbrơi lơn yơn lĕ geh rlău 96% rnoh ndơ ƀư. Nchrăp, ngih samƀŭt mbra jêh bah năp lơ 20/8, ntơm sŏk dŏng n’hanh jao an bah kơi nĕ 5 nar. Ăp ngih samƀŭt nội trú 2 gưl ta nkual n’har bri n’gor Dak Lak dơi ndâk ƀư tĭng ntĭm rđău bah Bộ chính trị. Aơ mbra ntŭk nti, ngêt sa n’hanh gŭ âm bah nklăp 3.100 kon hŏk ta nkual n’har bri n’gor Dak Lak.
Viết bình luận