Xă Đăk Pék, n’gor Quảng Ngãi nâp nâl joi băl mpôl ntŭk tâm lơh kăl e
Thứ năm, 13:59, 13/08/2026
VOV Tây Nguyên/Nuĭh rblang: Y Sưng Phê Ja
VOV Tây Nguyên/Nuĭh rblang: Y Sưng Phê Ja
VOV.M’nông - Tâm rnôk ƀư tĭng Nău kan “500 nar măng ntrôl dăng joi, rgum n’hanh năl săk nting tahen khĭt kăl e”, xă Đăk Pék, n’gor Quảng Ngãi lĕ rgum geh 10 nting tahen ta nkual thôn 16/5.
Ta lam xă aƀaơ geh du nghĩa trang liệt sĩ đah 357 môch. Tâm nĕ, 220 môch mô hŏ dơi geh nău mbơh n’hanh dơi dăn đă năl ADN gay năl săk. Dôl uănh, bah lơ 28/7 tât 6/8/2026, Ban Ntĭm rđău Tahen xă Đăk Pék, n’gor Quảng Ngãi lĕ ƀư rmôt joi ta nkual thôn 16/5 n’hanh rgum geh 10 nting tahen khĭt kăl e.
Khay tât, xă Đăk Pék mât tay nău kan kơp uănh, năl nău mbơh mpeh tahen khĭt kăl e, môch tahen, ƀư hăn uănh ta ntŭk đah ăp nău mbơh mhe, nkre n’hao uănh nđôi, dôh rklaih jêr jŏt, đăp mpăn ngăch nău kan “500 nar măng”. Ƀư njôr n’hanh tâp ăp tahen khĭt kăl e mhe dơi rgum nchrăp ƀư lơ 14/9/2025 ta Nghĩa trang Liệt sĩ Đăk Glei.
Viết bình luận