Ta rơh rƀŭn bôk way kan rơh tal 18, Hội đồng nhân dân n’gor Dak Lak lĕ mbơh an 9 plơk sam ƀŭt mbơh n’hanh ăp Nghị quyết mpeh nău ntrŭnh rgop di ngăn n’gor Dak Lak n’hanh n’gor Phú Yên; dăp ntŭk kan hành chính gưl xă ta Dak Lak n’hanh du đêt nkô̆ nău khlay êng. Tĭng nĕ, n’gor Dak Lak dăp ntŭk kan hành chính gưl xă bah 180 ntŭk kan hôm 86 ntŭk kan.

Bôk nău rgop an tâm nchră ndâk njêng n’gor Dak Lak tĭng nkô̆ nău rgop tâm di n’gor 2 n’gor Dak Lak, Phú Yên. N’gor Dak Lak (mhe) geh rnoh neh rlău 10.000 km2, rnoh nuĭh rlău 3,3 rkeh nuĭh, geh 102 ntŭk kan hành chính gưl xă.