Kêng măng (13/5), Tỉnh ủy Dak Lak hop Ban rđău đă ntuh kơl rdâk njêng nhih nti an ăp xã n’har bri, n’gluh trong rgum nuĭh ntop kơl rdâk mon nhih nti gay năn n’glăp dŏng tâm năm nti mhe. N’gor Dak Lak aƀaơ dôl rdâk njêng 3 nhih nti rep gưl ta ăp xã n’har bri Ia Lốp, Ia Rvê n’hanh Ea Bung, đah lĕ rngôch rnoh ntuh kơl bơi 127 rmen prăk. Tât aƀaơ, âk ndơ ƀư tơm ta ăp nhih nti hŏ lôch jêh nklăp 47% rnoh nău kan.

Bah năp nău ŭch geh lôch jêh du rơh ăp nhih nti gay năn n’glăp dŏng tâm năm nti mhe, Bí thư Tỉnh ủy Dak Lak Lương Nguyễn Minh Triết đă ăp nuĭh tơm ƀư ra uănh tay rnoh ngăch, n’hao âk nuĭh kan, ndơ ntrŭp dŏng; nkre jao n’gâng kan ntĭm nti lor nchrăp sơch lăp nuĭh kan, tâm pă nai ntĭm, nchrăp rvăt năp ndơ ntĭm nti, nkual gŭ n’hanh rdâk njêng trong nchrăp nkoch trêng, rgŏ jă kon se hăn nti ntơm bah bôk năm nti. N’gor Dak Lak đă nchrăp ăp tŏng tơm ndơ sa, puăch ka đăp mpăn kah uĕh an kon se nti nội trú, đăp mpăn lôch jêh nhih nti mbra leo lăp ntĭm n’hanh nti dĭl. Dŭt njrăng uănh khlay, Bí thư Tỉnh ủy Dak Lak đă lor nchrăp rgum mpôl ntop kơl ƀư lah geh nău khlay, tâm nê geh trong kan nsum đah mpôl tahen gay n’hao ngăch ƀư, wat jêh bah năp nar 30/7./.