Nar (13/5), ta Hà Nội, Tổng Bí thư, Kruanh dak Tô Lâm ƀư tơm rơh pah kan đah du đêt n’gâng kan bah  lơ, nhih pah kan mpeh dăp rgum, lăp dŏng kan bah Ban Rđău đă Trung ương mpeh wat jêh trong tĭng, pháp luật n’hanh Ban Rđău đă rgâl tư pháp Trung ương. Lôch rnôk djăt nău mbơh n’hanh ăp nău rgop ta rơh pah kan, Tổng Bí thư, Kruanh dak Tô Lâm lah rjăp, wat jêh trong tĭng pháp luật n’hanh rgâl tư pháp geh tâm boh dêh bên, nkrêp lhăt, ân geh du bôk rđău kan đăp mpăn ăp rêng rdâk njêng pháp luật, leo tĭng ƀư pháp luật n’hanh rgâl tư pháp lah du săk dơn ngoăy, ăp kôp, mbluh rloh, nsĭt geh nău dơi tam.

Tổng Bí thư, Kruanh dak lah kloh, nău dăp rgum lam lĕ rngôch mô dơn lah dăp rgum săk ntô bah lơ ma săk tơm tâm trôm lah dăp rgum tay trong tĭng rđău đă bah Trung ương đah nău dơn kan rdâk njêng, wat jêh ngih dak pháp quyền xã hội chủ nghĩa Việt Nam. Tổng Bí thư, Kruanh dak dăn đă, tâm pă kloh ntŭk gŭ kan, nău dơi kan bah Ban Nội chính Trung ương n’hanh Bộ Tư pháp; nkre ân quy định dŭt na nê̆, kloh nău dơn kan bah ăp nhih pah kan n’hanh kloh trong tâm n’guăk kan nsum; wat jêh tay dăp rgum nuĭh kan Ban rđău đă. Tổng Bí thư, Kruanh dak Tô Lâm jao Đảng ủy Bộ Tư pháp ƀư tơm, kan nsum đah Ban Nội chính Trung ương djăt ăp tŏng nău rgop bah rơh hop, wat jêh siƀŭt rblang dăn, mbơh Bộ Chính trị./.